Rashtriya Beti Diwas

Beti bachao ke naare ko badhava deta hai sarkaar

Isi dhaara mein dekhne milte hai ye vichaar

"Kaise khaoge unke haath ki rotiyaan

Agar paida hi nahi hogi betiyaan"

Itne ghatiya hai vichaar

Aur kiya bhi ja raha hai unka prachaar

Aaj bhi beti ko karna chahte hai rasoi se seemit

Aaj ki peedhi mein bhi karna chahte hai yehi pratigamit

Jab nahi maan paaye use apne ke samaan

Nahi reh jaata "rashtra beti diwas" ka koi maan

Ab toh mann se nikalti hai ek hi dua

Aise desh mein na ho kabhi betiyaan