Ummeed

har din hota hai naya sawera

par nahi door hota hamare zindagi ka andhera

bhatak rahe hai har anjaan gali 

safalta ki mohar to kahin nahi lagi

khalne lage hai sabhi ke sawaal

haath mein liye ummeed ki mashaal 

tayaar hai ladne ye bawaal

khone lage the jab vishwas

tab hua hame ye ehsaas 

nahi khoni hai zindagi mein aas 

bas karte rehna hai prayaas

chakne milegi safalta ki mithaas 

aankhen tiki hai manzil ki pathak 

sookh gaye hai saare ashk 

taqdeer bhale hi kare kathak 

khushi ko to ek din dena hi hoga dastak 

dard ko hi banaye apni taakat 

dil mein jagaye hai himmat 

khud hi denge apne jeevan ko arth 

Ganesh maharaj ki jai :) :) :)

chaturthi ka din bhadrapad ke maas
hai hamare liye bohot khaas
aapke aane se jagti hai dil mein nayi aas

aate ho bas 10 din ke mehmaan bankar
jaate ho hume saal bhar ki yaadein dekar

aapke roop ka matlab hai apaar
samjha de sabhi ko jeevan ka saar

aapke is roop ka karte hai varnan
sabhi kar jaaye iska samarthan

seersh itna bada jo lekar chalte ho
vishaal buddhi se sochne ki seekh dete ho

chote chote netron se jo dekhte ho
ekagrata ka mahatv sikhate ho
sookshm drusthi se har cheez ko samajhne ki seekh dete ho

soond hai shakti ka prateek
har kaarya ko nipunata, anukulit kshamata se karne ki seekh

ek dant ka ye hai mahatv
atcha rakh bura nikhal phekne ka dete ho tatv

bada pet jiska hai gol aakar
jeevan mein khushi aur gham dono ko karna eksaa hai sveekar

ek haath mein liye kamal
kali se phool ban ke hi hota hai jeevan safal

dooje haath mein liye modak
kaarya ko sampann jo kare mile use paaritoshik

teeje haath mein liye gadha
burai ko dand dena hai sadaa

chauthe haath se jo dete ho aashirvaad
usi se bana hai jeevan mein himmat aur unmaad

mooshik ko banakar apna vaahan
itchaon par rakhna hai niyantran

samjhe jo aapke roop ka mahatv
samajh jaaye jeevan ka asli tatv

parvati pataye mahadev ke aap nandan
seesh jhuka kar karte hai sabhi aapka vandan

Janm din ki dhero badhaiyan Soham :):)

jiski ek hasi se bhool jaaye hum saare gham 

naam hai uska soham 

chotu, nautanki, appu, aise hai tumhare kai naam 

tum har din laaye masti ka ek nayaa paigaam 

thi hamari alag hi ek duniya 

ab tum ban gaye ho iske mukhiya 

vidhya budhi mein tum lage unki hi chaaya

jin ganeshji ka naam tumne hai paaya 

bachpan hai tumne hame lauta diya

tujhse apne kuch shouk humne poora kiya

maa ki aankhon ka taara

hum sab ka raajdulara

aaj hue pure tere teen saal

hamesha rahe tu yuhi khushhaal

With independence day round the corner this is what is on my mind.............

shayad galat hoon jo utha rahi hoon aaj ye prashn 

kis svatantrata ki mana rahe hai hum jashn??

angrezon ki changul se jo hum choote 

apne netaoh ke haat apne kismat phoote 

kitno ne di hai desh ke liye balidaani 

kya hum jaante hai unki zindagaani??

jisne dekhi thi goliyon ki holi 

khoon se latpat thi jiski choli 

azaad hue ho gaye 66 saal 

Un veeron ke charitr par aaj bhi log karte hai sawaal 

desh ke banaye niyam na rok paaye shoshan 

kya kar rahe hai hamare neta jo dete hai bhashan??

jo baat karte hai sirf aatankvaad ki bhasha

wo kya kabhi samjhenge hamare aman ki aasha???

apne desh vaasiyon ki na karte parvah 

na hui padosi mulk se sulah 

itne kureetiyon se ghera hai desh 

phir bhi pehne hai svatantrata ke vesh 

aaj bhi kyon hai hum vikaashsheel desh 

jab ban sakte the vikasit desh 

aaj bhi hai desh mein bhrashtachaar 

aaj bhi ho rahe hai atyaachaar 

bhaarat maa ko laa kar aansuon ke kagaar

phir bhi mana rahe hai svatantr hone ka jashn 

bas apne dil se poocho bas ek hi prashn 

na poocho kya kiya hai desh ne hamare liye 

bas poocho kya maine kuch kiya hai desh ke liye 

..............

daftar ke kaam mein vyast

parivaar ko na de pa rahe hai waqt

paise ke liye lagi aisi daud

guzar gaye zindagi ke saare mod

hai badi gaadi, ban gaya hai alishaan ghar

par use anubhav karne ka waqt hai kidhar??

paaya hai sab kuch zindagi lo lutakar

par kya mila aanand ye sab paakar??

kya khushi khud degi humhe nimantran?

jab hum na nibha paaye kaam aur ghar mein santulan

kamaiye itna paisa jo de zindagi ke saare sukh

par usi ko na banao pramukh 

guzar gaya jo waqt milta nahi hai kabhi 

jee lo zindagi isi pal mein sabhi 

सावन

मयूर का नाच जैसे कत्थक
पंची ढूंढे घरोंदे का पथ
लगे हमे कुछ तीखा खाने का लथ

बूंदों का शोर जैसे संगीत
भुला दे सार अतीत

खिले फूल जो खींचे हमे अपनी ऒर
पत्ते भी झूमे जैसे कोई मोर

आसमान में खनके बिलजी की तार
इसी सुन्दरता ने दिया हमारे ज़िन्दगी को सवार

धुल गयी मन की साड़ी कडवाहट
अस सुन सके है अपने दिल की सच्ची आहट

बरसात में धुल गए हमारे सारे घम
ख़ुशी का एहसास अब हुए है मद्धम

Beti

maa deti hai hame jeevan 

behen se hota hai pyaara jhagda sampann 

biwi karti hai aapke jeevan ko sampoorn 

beti choo jaati hai aapka aatmann

aurat ke kai roop tumhe hai sweekar

beti ko kyon karte ho inkaar???

kya hota agar sabhi ne maana hota beti ko bojh??

kyon dete ho sirf aurat ko hi dosh???

kya de sakte ho is baat ka pramaan 

beta rakhega hamesha aapka maan???

bacche laate hai jeevan mein khushi ka pitara

beta beti dono hi ban sakte hai aapka sahaara

beti se khilta hai ghar ka aangan 

bichaade wo aapki zindagi mein rangon ka saawan 

kanya brun hatya sabse bada paap

kyon baandh rahe ho apne sir pe ye shraap??