Devi maa 

jo na kar sake aam aurat ki izzat 
kya maata ki puja kar ho jayenge apne paap se mukt

ghar ki lakshmi pe jo karte hai zillat 
dhan lakshmi ki puja kar mil jayegi unhe daulat 

saraswati maa se karte ho gyaan ki prarthna 
ghar ki beti karte reh jaati hai vigyaan ki yaachna 

devi maa ki puja hai isi samaaj ki reeti
phir bhi aurat ko sehna pade hai samaaj ki har kureeti

maa jo dhaaran kare shakti ka roop
kya koi bach paaya tha unka prakoop

aurat par karte rehte ho atyaachar
na dikhaoge agar badalne ke aasaar
yaad rakhna durga bhi hai maa ka hi avtaar
bhaari na pad jaaye stri ka prahaar

suhana shaam 

daftar ke kaam se nahi hoti thakaan

bus mein safar kar deti hai hume bejaan 

din ki shuruwaad karte hai chehre pe lekar hasi 

anth lagta hai na jaane kis gali mein hoon phasi 

har gali lagti ek samaan 

hal pal rab se karte ek hi farmaan 

jaldi aajaaye hamara makaan 

aaj tha alag kuch 

lamba safar mano lagaa tuch 

Baarish ladaaye humse laad 

mitti ki khusboo ke aad 

maano kar rahe the hamara swaagat 

rang laayi hamari mehnat 

tay kar itna lamba safar

yataayat ke rukaavat ko door kar 

pahunch gaye apne ghar 

Intezaar kar raha hai hamara maqmali bichona 

le jaane hume sapno ki duniya 

bun ne apna ek sundar aashiyaana 

26/11

agar itihaas ka pathan hoga 
ye uska sabse bhayanak din kehlayega 

aasaan tha aatankvaadi ka aana is oor 
desh ki suraksha jo thi itni kamzor 

leopold aur taj ki jo hum dete te duhaai 
wahi mach gayi tabaahi 

the jo mumbai ke aan baan shaan
rang gaya lahoo se uska ghirebaan

ak47 jo tha aatankvaadiyon ka sahaara
use kya de paata apne sipahio ka chadi koi kinara???

karne lage goliyon se prahaar
ho gaye masoom unke shikaar

desh mein tabaahi unka maksat
kai jaan bhar rahe the uska keemat

sena ho gayi tainaat
aatankvadiyon ko le liya apne hiraasat

aaj bhi karte hai hum unse aman hi aasha
kab tak sahenge unke aatankvaad ki bhaasha??

dena hoga unhe muh tod jawaab
pura karna hai unke aatankvaad ka hisaab

As i was watching the movie attacks of 26/11 which i couldnt even watch till the end, which shook me off, just couldnt imagine how could have people seen it all and survived it, able to take the pain........

Badlaav 

ek nayi subah aur ek naya safar

manzil par tiki hai nazar

anjaani raahon ne khole hai baahein 

na jaane kahan le jayengi ye raahein 

bas badhte jaana hai ab humein 

is mukaam par karna hai bohot kuch haasil 

is waqt sab kuch tay kar paana hai mushkil 

har badlaav hai manzoor 

wahi hai zindagi ka dastoor 

nahi hai ab kahi rukna 

hai zindagi se bohot kuch seekhna 

waqt ke saath hai ab chalna 

tabhi sambhav hoga manzil tak pahunchna

Ummeed

har din hota hai naya sawera

par nahi door hota hamare zindagi ka andhera

bhatak rahe hai har anjaan gali 

safalta ki mohar to kahin nahi lagi

khalne lage hai sabhi ke sawaal

haath mein liye ummeed ki mashaal 

tayaar hai ladne ye bawaal

khone lage the jab vishwas

tab hua hame ye ehsaas 

nahi khoni hai zindagi mein aas 

bas karte rehna hai prayaas

chakne milegi safalta ki mithaas 

aankhen tiki hai manzil ki pathak 

sookh gaye hai saare ashk 

taqdeer bhale hi kare kathak 

khushi ko to ek din dena hi hoga dastak 

dard ko hi banaye apni taakat 

dil mein jagaye hai himmat 

khud hi denge apne jeevan ko arth 

Ganesh maharaj ki jai :) :) :)

chaturthi ka din bhadrapad ke maas
hai hamare liye bohot khaas
aapke aane se jagti hai dil mein nayi aas

aate ho bas 10 din ke mehmaan bankar
jaate ho hume saal bhar ki yaadein dekar

aapke roop ka matlab hai apaar
samjha de sabhi ko jeevan ka saar

aapke is roop ka karte hai varnan
sabhi kar jaaye iska samarthan

seersh itna bada jo lekar chalte ho
vishaal buddhi se sochne ki seekh dete ho

chote chote netron se jo dekhte ho
ekagrata ka mahatv sikhate ho
sookshm drusthi se har cheez ko samajhne ki seekh dete ho

soond hai shakti ka prateek
har kaarya ko nipunata, anukulit kshamata se karne ki seekh

ek dant ka ye hai mahatv
atcha rakh bura nikhal phekne ka dete ho tatv

bada pet jiska hai gol aakar
jeevan mein khushi aur gham dono ko karna eksaa hai sveekar

ek haath mein liye kamal
kali se phool ban ke hi hota hai jeevan safal

dooje haath mein liye modak
kaarya ko sampann jo kare mile use paaritoshik

teeje haath mein liye gadha
burai ko dand dena hai sadaa

chauthe haath se jo dete ho aashirvaad
usi se bana hai jeevan mein himmat aur unmaad

mooshik ko banakar apna vaahan
itchaon par rakhna hai niyantran

samjhe jo aapke roop ka mahatv
samajh jaaye jeevan ka asli tatv

parvati pataye mahadev ke aap nandan
seesh jhuka kar karte hai sabhi aapka vandan

Janm din ki dhero badhaiyan Soham :):)

jiski ek hasi se bhool jaaye hum saare gham 

naam hai uska soham 

chotu, nautanki, appu, aise hai tumhare kai naam 

tum har din laaye masti ka ek nayaa paigaam 

thi hamari alag hi ek duniya 

ab tum ban gaye ho iske mukhiya 

vidhya budhi mein tum lage unki hi chaaya

jin ganeshji ka naam tumne hai paaya 

bachpan hai tumne hame lauta diya

tujhse apne kuch shouk humne poora kiya

maa ki aankhon ka taara

hum sab ka raajdulara

aaj hue pure tere teen saal

hamesha rahe tu yuhi khushhaal