Tyohaar............. 

Har tyohaar ka hai ek arth 
Na samjhi mein manaana hai vyarth

Buraai par atchai ki jeet hai har parv ka sandesh
Buraai se darr sehme rehne ki hi milte hai aaj kal hume upadesh

Sikhao dat kar saamna kare har mukabla
Na banao har ladki ko kamzor abala 

Soch ko karna hai vikasit
Sajne sawarne se na rehna hai seemit

Jis din kar paaye apne hi zindagi par adhikaar
Us din hoga asli tyohaar

Happy Diwali

har tyohaar ka hota hai mahatya
jo sikhaye jeevan ka asli taatparya

diyon ki roshni door kare amaavasya ka andhera
vigyaan ki jyothi se karo jeevan mein ujiyaara

aurat ki puja hai jis desh ka rivaaj
wahi har doosre din uski beizzati karta hai ye samaaj

taaron ki timtimati chamak
kahe humse har andhere mein bhi dikhe hai pathak

hal pal mein khushi zindagi ki asliyat
pathake bhi sikhaye yehi haqeekat

lakshmi maa ki puja aur pathako ki ye raat
laaye har kisi ke jeevan mein khushi ka saugat

deti hoon diwali ki harthik shubhkamanayein
har pal mein khushhaali rahein

barsaat mein ek shaam

hulchul jo machaaye aaj barsaat
thap ho gayi yaatayaat

har jagah bas bhopu ki shor 
naa chalta waqt par hamara zor

bus mein latke the yatri
shaam se hone chali thi raatri

ghar pahunchne ki sabko thi jaldi
kaat kar lambe safar ki avadhi

koi joojh raha tha zindagi aur maut
phir bhi lagi thi ambulance se sabki daud

maana sabko ko hai kai zaroori kaarya
par kya zindagi se badh kar hai anivaarya???

naa tha us rogi se koi rishta
bas tha insaaniyat ka naata

isi soch mein jo udaas tha dil
saamne aaya kisi mantri ka rakshak dal

naa jaane kaise chune hai humne neta
jinme na hai koi samvedansheelta

kya insaan hamesha hi tha itna kathor dil??
naa jaane kahan hai wo badlav ki manzil

talaash

har din ek naya chehra
chupa kar sach koi gehra
baandhe hai hasi ka pehra
khud ki hi zindagi se gavara
lagta sabhi ko hoon koi awara

bhatak raha hoon dar badar
har gali aur har sheher

dil ko hai kisi ki khoj
na hai uske bina koi mauj

sabhi ka hai saath
lekin nahi chalakte hamare jazbaat

na jaane kiska hai talaash
har pal dil to hai niraash

har pal hai dil mein tanhaayi
door ho ho gayi hai humse hamari hi parchaayi

apne hi aatma se jo ho gaye hai door
duniya ke tareeko se reh gaye hai majboor

Devi maa 

jo na kar sake aam aurat ki izzat 
kya maata ki puja kar ho jayenge apne paap se mukt

ghar ki lakshmi pe jo karte hai zillat 
dhan lakshmi ki puja kar mil jayegi unhe daulat 

saraswati maa se karte ho gyaan ki prarthna 
ghar ki beti karte reh jaati hai vigyaan ki yaachna 

devi maa ki puja hai isi samaaj ki reeti
phir bhi aurat ko sehna pade hai samaaj ki har kureeti

maa jo dhaaran kare shakti ka roop
kya koi bach paaya tha unka prakoop

aurat par karte rehte ho atyaachar
na dikhaoge agar badalne ke aasaar
yaad rakhna durga bhi hai maa ka hi avtaar
bhaari na pad jaaye stri ka prahaar

suhana shaam 

daftar ke kaam se nahi hoti thakaan

bus mein safar kar deti hai hume bejaan 

din ki shuruwaad karte hai chehre pe lekar hasi 

anth lagta hai na jaane kis gali mein hoon phasi 

har gali lagti ek samaan 

hal pal rab se karte ek hi farmaan 

jaldi aajaaye hamara makaan 

aaj tha alag kuch 

lamba safar mano lagaa tuch 

Baarish ladaaye humse laad 

mitti ki khusboo ke aad 

maano kar rahe the hamara swaagat 

rang laayi hamari mehnat 

tay kar itna lamba safar

yataayat ke rukaavat ko door kar 

pahunch gaye apne ghar 

Intezaar kar raha hai hamara maqmali bichona 

le jaane hume sapno ki duniya 

bun ne apna ek sundar aashiyaana 

26/11

agar itihaas ka pathan hoga 
ye uska sabse bhayanak din kehlayega 

aasaan tha aatankvaadi ka aana is oor 
desh ki suraksha jo thi itni kamzor 

leopold aur taj ki jo hum dete te duhaai 
wahi mach gayi tabaahi 

the jo mumbai ke aan baan shaan
rang gaya lahoo se uska ghirebaan

ak47 jo tha aatankvaadiyon ka sahaara
use kya de paata apne sipahio ka chadi koi kinara???

karne lage goliyon se prahaar
ho gaye masoom unke shikaar

desh mein tabaahi unka maksat
kai jaan bhar rahe the uska keemat

sena ho gayi tainaat
aatankvadiyon ko le liya apne hiraasat

aaj bhi karte hai hum unse aman hi aasha
kab tak sahenge unke aatankvaad ki bhaasha??

dena hoga unhe muh tod jawaab
pura karna hai unke aatankvaad ka hisaab

As i was watching the movie attacks of 26/11 which i couldnt even watch till the end, which shook me off, just couldnt imagine how could have people seen it all and survived it, able to take the pain........