jab pehli baar suni unki aawaaz 
anokha laga unka mizaaz 

kai anokhi vishayon mein rakhte hai ruchi 
khaane mein bhi hai unhe khaas abhiruchi 

pehli parichay se pata chala thoda unka astitv 
aatma niyantrit, shaat swabhaav, sundar muskaan hai unke khaas tatv 

is parichay ka kya hoga parinaam 
tha wo mere hast rekhao ke naam 

poochi gayi meri bhi marzi 
pata chala sab hai is rishtey ke liye raazi 

par mann mein tha ek vichaar 
kaash wahi kar dete is marzi ka izhaar 

shuru hui hamari baatein 
bun ne lage naye rishtein ki buniyaadein

alag hai inka andaaz 
kabhi na jataate apne dil ke ehsaas 

na kehkar bhi keh dete hai apne dil ki baat 
aise hi toh jude hai hamare dilon ke jazbaat 

sagaai se shaadi ka suhaana tha safar
dikhe kuch unsuni unkahi baaton ka asar 
shaadi ke baad anokha tha dagar 

ajnabee se ban gaye jeevan saathi 
isi beech pata nahi kab ban gaye poore jazbaati 

peeche mud ke agar dekhu aaj 
samajh aate hai hamari baaton mein chupe raaz 

alag the hamare pyaar ke rang 
zindagi ko hum banayenge sundar tarang

Love 

nahi socha tha itni jaldi aayega aisa din
jahan rehna mushkil hoga aapke bin 

har pal mein basi hai aapki yaad
kisko sunau mein apne mann ki fariyaad

kaisi hai ye hamari majbooriyan 
kab khatam hogi hamari ye dooriyan 

aapke saath ka har lamha hai yaadgaar
par nahi jaanti kab ho gaya aapse itna pyaar 

meri zindagi mein koi ho jayega mujhse bhi khaas
nahi tha mujhe is baat ka ehsaas 
waqt ne dilaya hai mujhe ye vishvaas 

ab waqt hi dega mere is sawaal ka jawaab 
karna hai har is adhoore pal ka hisaab

tujhse doori ab nahi hoga sahan 
tere sang bitana hai ye jeevan 

raftaar ho ab waqt ki gati
aapse doori aur nahi seh sakti aapki shrimati

Arranged marriage 

shuru hui thi ghar mein mere shaadi ki baatein 
aane bhi lage the rishton ke saugaatein 

us pal bhi usi soch mein thi mein doobi 
ek ya do mulakaton mein kaise pata karu kisi ki khoobi 

kiske saath judegi meri taqdeer 
kaun batayega mujhe?? kya hai koi mukhbir??

dil mein ubhar rahe the vahi vichaar 
kya shaadi jaise ahem rishtein ke liye hoon mein tayaar???

kabhi ghar walo ko, toh kabhi apne dil ko samjhaati 
kabhi mann hi mann mein sarsaraati 
banaye aphi hi paribhaasha, jo banta mera jeevan saathi 

kaise tay karungi ye safar 
har mulaqat ke pehle mann mein rehta ek ajeeb darr 

kisiko chahiye thi sarkaari naukri karne wali dulhan 
toh kisi ko sundar bahu jaise mor ki darpan 

jahan koi nahi samajh raha tha meri khwaishein 
wahin aaya ek rishta jisne nahi daali mujh par koi bandishein 

hone lage ek duje ke vichaaron se parichit 
banenge ek dooje ke jeevan saathi.. ye bhi hua nishchit

shayad aaya tha koi mukhbir jo aasaan kar gaya meri ye mushkil 
mila gaya mujhe unse jinke saath judengi zindagi ki saahil

Dheere dheere hone laga ek duje se pyaar
Niyati se jude the jo taar 
aaj banenge ek naye rishtein ka saar

apnon ki khushiyan bhi jahan ho gayi shaamil 
mil kar banayenge aashiyan jo hai hamare sapnon hi manzil

ajeeb hai ye zindagi ka khel
nahi jamta dil aur dimag ka bhi taal mel
 
jahan dimag kahe hai na jaane kaisa hoga aane wala waqt
bana apne iraadon ko sakht
 
dil kahe hai, aane wale waqt ka nahi hai koi aashvasan
jee le is pal jaise zindagi ho koi jashn
 
sochu ya kehdu apne wo dil ki baat
isi vichaar mein badal jaate hai haalaat
 
kyon leke chalu kisi ko khoone ka darr
har haal mein paar karna hai zindagi ka safar

chalti hi rehti hai dil aur dimaag ki ladaai 

zubaan nahi samajhta, kise de wo apni gawaahi

Dil aur dimaag ki ye baatein
yaad dilaye hume zindagi ki choti choti haqueekatein

kise pata kya hai kal ka raaz
toh kyon roke aaj ke is pal ke aas

aise hi chalti rehti hai dil aur dimaag ki aankh micholi
isi kashmakash mein bharti hi ja rahi hai zindagi ki jholi

Salman ke mukaddame ka faisla samajh paana lag raha hai mushkil
nahi samjhi kaun hai is mukaddame mein asli kaatil

Kya us waqt hum the technik ke itne aadhi
na koi insaan par kya gaadi ban gaya hai is mukaddame mein apraadhi??

kaun hai sazaa ka asli haqdaar??
itne saal baad bhi hamari nyaay pranali nahi de paayi sache vichaar???

kya gareeb ke jeevan ka yehi hai mol??
kya paise se hi hai sahi aur galat ka bhi tol???

kya milenge in sawaalo ke kabhi jawaab??
kya khulega sach par laga wo naqaab?

jo hamesha deta hai "Being Human" ki inaayat
Kya is maamle mein dikhayi hai koi insaaniyat???

agar na juda hota usme "Salman Khan" ka naam
tab bhi kya yehi hota is mukaddame ka parinaam???

desh ki nyaay pranali par kaise kare hum vishvaas
jab nahi daal paaye wo sachai par prakash

Zindagi!!!!

kyon dhoonte hai hum har atche bure palon mein kinara 
kyon nahi ban paate hum khud hi ka sahaara 

kyon hai yahan rishton ki bhandaar
yaadon ki bauchaar
phir bhi har dil kare hai apne farishte ka intezaar

jahan aate hai hum akele aur jaayenge bhi akele 
phir kyon sajte hai yahan rishton ke mele 

na jaane kyon har rishte ko dete hai naam 
jab jaante hai khud ki hi zindagi ho jayegi gumnaam 

jis rangmanch ke naatak ko nibhaana hai hume akele 
phir kyon nahi guzarti zindagi bina apnon ke sahaare

kyon bahti hai dil mein yaadon ki bahaar 
kyon nahi hota kuch rishton ka karaar
kyon nahi kar paate har rishtein par aitbaar 

agar kisi ne kar hi diya hein meri zindagi ka nirnay 
toh kya mein hoon koi katputli jo kar rahi hoon us paatr ka abhinay??

zindagi ke har pal mein agar sajaayi hai aapne krutrimta
phir kyon mila hai is paatr ko sochne ki kshamata 

dil mein jaagi hai aisi alochana
jawaab paane ki karti hoon yaachna 

rangmanch ke is natak ki khaas hasti 
akelepan ke is zindagi mein rishton ke beech hai pisti

Ganesh Maharaj :) :) 

mushak ko banakar apna vaahan
aaye hai hamare gajanan

10 din ke hamare athithi
devon ke adhipathi maha ganapati

vidhya budhi pradhaan karne wale budhi vidhaata
sabke dukh harne wale dukh harta

vighn door karne waale vighn harta
mahabharat likhne wale eka danta

sabhi bhakton ko dikhaane sidhi ka pathak
aaye hai hamare sidhi vinayak

parvati pataye mahadev ke aap nandan
aise aapke har naam ka hai varnan

hamari puja bhakti karo sweekar
hey parvati ke laal

dena hume shakti kar sake har mushkil ha saamna
bas yehi hai hamari prarthna
desh mein bani rahe shanti prem ki bhaavna
karte hai aaj hum ye yaachna