chitti

taar daakh to kal ta tarana
aaj hai email ka zamaana

chitti ke milne pe hote the khush 
email nahi laata kabhi wo josh

daakiya ka hota tha intezaar
ab to har minute ki jaankari hone par bhi hote hai bekaraar

chitti se bante the yaariyan
paas hokar bhi email se lagti hai dooriyan

nahi hota ab humse kisi ki baat ka intezaar
shayad ab karna hai sabr seekhne ka prahaar

kahan gaye wo din jahan apno ko chitti likhne rehte the bekaraar
aaj email ke zariye sirf pahuncha rahe hai kisi aur ke bheje samaachar

aaj agar koi chitti bheje mujhe
palkon pe rakh kar sambhalungi use
kahan koi bhejta hai aaj kal chitti
kash daak mein koi bhejde ghar ki hi mitti

machine se insaan hone ka yakeen kar loongi
purane zamaane ke un yaadon ko taaza kar loongi
zindagi mein phir thodi khushiyan batoor loongi