Proud Hyderabadi!!!!

nahi thakti karte is sheher ka varnan
bhinnata mein ekta ka jo hai darpan

is sheher mein dikhe hai nawaabi aan baan aur shaan
ek alag hi hai hamari pehchaan

alag hi hai hamari bhasha
kaiyo ne kaha hai isme hai ek alag sa nasha

is sheher ka haleem ho ya biryani
uska swaad hai har kisi ki zubaani

hamare sheher ke har kone mein basa hai itihaas
hume dilaye nawabi shaan ka ehsaas

itihaas ko sang lekar apnayi hai adhunikta
hamaare itihaas ki hai itni mahaanta

kehne wale phir bhi kehte hai hindu muslim jhagdo ki tum dilaaye yaad
par bhaaichaare ki bhi lagayi hai humne hi buniyaad

jahan eid par hindu bhai karte hai iftaar ka aayojan
wahi ganesh nimarjan par hamare hi musalmaan bhai karte hai prasad ka prabhandhan

vibhinn rashtra vaasiyon se hai hamara ye sheher aabaad 
garv se kehte hai hamara sheher hai hyderabad !!!!